Tërmeti i mbrëmshëm/ Sizmologu grek bën paralajmërimin e fortë 

Pas tërmetit të fortë 5.3 të shkallës Rihter në Follorinë që tronditi mbrëmjen e kaluar Greqinë, Maqedoninë por edhe Shqipërinë, një paralajmërim ka ardhur nga drejtori i Institutit të Gjeodinamikës, në Greqi, profesori Akis Tselentis.

Tselentis vuri në dukje se nga të dhënat e deritanishme, ai i mbrëmshmi ishte tërmeti kryesor, çka nënkupton se lëkundjet e tjera ishin paslëkundje të tërmetit 5.3 rihter.

Ai paralajmëroi se për shkak se thellësia fokale të cekët të këtij tërmeti, sekuencat e lëkundjeve do të vazhdojë për një kohë të gjatë “madje edhe për ditë, ndoshta javë”.

Sikurse tha ai paraditen e së hënës për “SKAI”, mundësia për një tërmet më të madh është shumë e vogël teksa vuri në dukje se arsyeja pse dridhja është bërë kaq e ndjeshme është sepse ka ndodhur shumë afër sipërfaqes.

“Është një çarje në perëndim të Follorinës që nuk dihej, ishte vetëm një degë e thyerjes që dihet. Por ajo që më shqetëson është se ne kemi pasur një histori të rëndë në zonë disa vite më parë. Domethënë në vitin 1994 kishim tërmet 5.9 afër 6 Rihter 40 km nga Follorina nga një çarje tjetër”, theksoi profesori.

Ai shtoi se zona përreth jep tërmete të forta duke treguar kështu se në nëntor të vitit 1967 ka ndodhur një tjetër, tërmet 6.6 Rihter.