Ish-ministri i Brendshëm Saimir Tahiri sapo është paraqitur në ambientet e GJKKO-së së bashku me avokatin e tij Maks Haxhia.
Çështja kundrejt Tahirit do të nisë nga e para në Apelin e Posçëm me vendim të Gjykatës së Lartë, ndërkohë që është tërhequr nga çështja dhe gjyqtarja Daniela Shirka që u zëvendësua nga gjyqtari Florjan Kalaja.
Gjykata e Lartë i dha një fitore proceduriale Tahirit, kur vendosi prishjen e vendimit të 26 qershorit të vitit 2020 të Gjykatës së Posaçme të Apelit dhe rikthimin e çështjes për shqyrtim tek një trupë tjetër e Gjykatës së Posaçme të Apelit.
Prokuroria e akuzoi ish-ministrin Tahiri për trafik të narkotikëve dhe kërkoi arrestin e tij, por shumica parlamentare socialiste e bllokoi kërkesën për arrestim dhe e sulmoi hetimin e prokurorisë si të njëanshëm.
Në shtator të vitit 2019, Tahiri u shpall i pafajshëm për akuzat e trafikut të narkotikëve dhe grupit të strukturuar kriminal, por u dënua nga Gjykata e Krimeve të Rënda me 5 vite burg për shpërdorim detyre, dënim ky i cili u konvertua me 3.4 vjet për shkak të gjykimit të shkurtuar. Vendimi i shkallës së parë u prish nga Gjykata e Posaçme e Apelit, që e riktheu çështjen për rishqyrtim.
