“P*derast, rri urtë aty” Përplasja te ‘5 Maji’, polici ofendon qytetarin e shoqëruar (VIDEO)

Sot dita ka nisur me përplasje mes policisë dhe banorëve të lagjes “5 Maji” në Tiranë.

Arsyeja ishte aksioni i IKMT për shembjen e shtëpive të tyre, që preken nga projekti i rindërtimit.

Efektivët e policisë kanë shoqëruar me furgon disa nga qytetarët të cilët kanë shfaqur rezistencë.

Gjatë debatit mes policëve dhe banorëve të shoqëruar, një prej efektivëve ka përdorur fjalë ofenduese duke quajtur “pederast” qytetarin, pasi ky i fundi i kërkoi që të mos e godasë. “Mos gjuaj, ku je këtu”, i thotë qytetari efektivit, i cili e fut me forcë në furgon.

Ndërsa polici iu drejtua me fjalët: “Rrini urtë aty, nuk po të gjuan njeri, pederast”, dhe më pas i kërkon kolegut të tij: “Lëri aty derisa të qetësohen, kur të qetësohet e çojmë tek vendi.”

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Kujtoni se jeni dikushi”, i kthehet një qytetar tjetër brenda në furgon policit. Ndërsa kolegu i këtij të fundit i drejtohet banorit: “Do rrini rehat aty, o burrë i dheut. Po lëre o vëlla tani”.

Në sfond dëgjohet vajza e një prej qytetarëve që përpiqet të komunikojë me të atin dhe thotë: “O babi! Qetësohu o babi”.