Sekretari i Përgjithshëm i Partisë Demokratike Gazment Bardhi ka shkuar sot në Gjykatën e Tiranës.
Në ato momente aty po jepej masa e sigurisë për të gjithë personat e përshirë në protestën e dhunshme mes demokratëve në selinë blu më datë 8 janar.
Bardhi është përfshirë në një ‘përplasje’ me oficerin e policisë vetëm sepse ky i fundit nuk e ka lënë të futet në seancë sepse nuk kishte leje nga eprori i tij. Kjo ka sjellë reagimin e Bardhit i cili e ka konsideruar veprimin e oficerit si një provokim.
Oficeri i policisë: Të lutem prisni një moment se do shohim se kush do të hyjë i pari nga ju.
Deputeti Gazment Bardhi: Mos më provoko se më provokove deri tani, nuk t’u përgjigja.
Oficeri: Po nuk ju provokova zoti deputet, i nderuar do të pyes eprorin tim tani. Nuk kam as përse të të provokoj se as emrin nuk ta di.
Bardhi: Më pyet nëse nuk e di, nëse nuk e di emrin tim.
Ndërsa më herët janë paraqitur në gjykatë edhe mbështetësit e Berishës dhe të Bashës të cilët janë ulur në “kafaze qelqi” të ndarë nga njëri-tjetri, me qëllim që të mos kishte përplasje.
