“Masat për të dënuarit mund të ndryshojnë vetëm me një kusht” Ulsi Manja viziton burgun ‘Mine Peza’

Ministri i Drejtësisë Ulsi Manja ishte sot i pranishëm në ambientet e burgut “Mine Peza” në Tiranë, ku pa nga afër ecurine e vaksinimit anti-C OVID19.

Ai inkurajoi drejtuesit e institucioneve të vuajtjes së dënimit për vijimësinë e punës ndërgjegjësuese për mbulimin 100 përqind me vaksinim në të gjitha IEVP.

Ndër të tjera Manja u shpeh se duhet të rritet bashkëpunimi me Institutin e Shëndetit Publik, ndërkohë që vaksinimi duhet të përshpejtojë ritmet në të gjitha IEVP. Ministri Manja ka a folur edhe për një lirim të masave kufizuese të takimeve të të burgosurve dhe të paraburgosurve, në IEVP në kohën kur do të arrihet 100 përqind vaksinimi i të dënuarve.

“Duhet të gjejmë politika stimuluese për vaksinimin. Vaksina deri më tani ka treguar që është mbrojtësi i shëndetit edhe në këtë periudhë që po rriten rastet. Prandaj edhe në ambientet e burgimit apo paraburgimit, duhet të ecim me ritme të shpejta vaksinimi, sepse në fund të fundit të paraburgosurit dhe të dënuarit, kanë probleme me drejtësinë, janë në konflikt me ligjin, por meritojnë shërbimet shëndetësore njëlloj si gjithë qytetarët e tjerë”, tha ministri Manja.