Deputeti i PD Flamur Noka e ka quajtur sot uzurpim dhe burgim atë që po i ndodh selisë blu.
Menjëherë pas kësaj deklarate ka ardhur dhe reagimi i Sekretarit të Përgjithshëm të kësaj force politike, Gazment Bardhi.
Një grup deputetësh, mbërritën gjatë drekës në seli, por i gjetën të mbyllura dyert e selisë. Bardhi tha se ata bënë vetëm një shoë dhe se në seli po kryhen punime.
“Shoë mediatik që patë para pak minutash në shkallët e PD, tregon edhe një herë që për disa, shoë dhe tallja me demokratët ka zëvendësuar betejën me regjimin e Edi Ramës. Kemi konfirmuar edhe dje që në godinën e PD janë duke u kryer punime, ky është fakt i njohur publik. Nuk ka nevojë të vish në dyert e partisë për ta provuar. Në seli po shtohen ambientet e punës se koha e llafeve ka mbaruar më 18 dhjetor”, tha Bardhi.
“Disa kanë betejë për karrige, ndërsa institucionet e partisë janë në betejë me regjimin e Ramës. Selia e PD ka qenë dhe do të jetë e hapur për çdo demokrat dhe do të jetë e mbyllur për çdo trafikant droge që ka qenë krah Berishës dhe mbështetësve të tij. Dhuna është e vetmja gjë që i ka mbetur pakicës në PD. Skenarët me akte dhune kanë për të dështuar dhe PD që nga data 18 dhjetor janë të fokusuar në betejën me regjimin e Ramës. Lajmi i mirë sot është që disa kolegë ishin të pashoqëruar nga persona të dënuar për trafik droge dhe akte dhune”.
