“Ka një lajm të mirë” Basha del në konferencë pas protestës së Berishës

Kryetari i PD Lulzim Basha ka dalë në një konferencë për mediat, ku ka folur në lidhje me protestën e organizuar nga ish-kryeministri Sali Berisha në selinë blu.

Basha u shpreh se sot ishte dita e fundit politike e Berishës dhe lajmi i mirë është se shumica e demokratëve nuk u përgjigjën thirrjes së tij për tu bërë pjesë e skenarit të dhunës.

“Për të kurorëzuar aksionin e tij personal. Sikundër e kemi thënë, ajo që nisi prej kohësh e tregoi sot fare mirë fytyrën e saj. Lajm i mirë është fakti që shumica e demokratëve nuk iu përgjigjën thirrjes së Sali Berishës për tu bërë pjesë e skenarit të dhunës, për të mbuluar një të vërtetë që tashmë e di çdo kush me sy në ballë.

Në këtë betejë ai nuk kursen askënd përveç vizitës së tij. Lajm i mirë është braktisja totale. Dëshpërimin nuk kam pse ta them sepse e keni parë nga fytyra e tij. Për fat të mirë asnjë nga objektivat që i kishte vënë vetes nuk u realizua”, deklaroi lideri i opozitës gjatë fjalës së tij.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern