Ka dy organe gjenitale të ndryshme, 67-vjeçari nga Kosova merr jehonë në mediat botërore

Një 67-vjeçar nga Kosova është renditur në literaturën botërore të mjekësisë. Ai kishte jetuar gjatë gjithë jetës me dy organe gjenitale, atë mashkullor dhe atë femërore, pa e ditur kurrë. Rasti u zbulua vetëm kur i moshuari shkoi të mjekët për shqetësime të vazhdueshme. Mjekët që operuan për hernie 67-vjeçarin janë habitur nga ajo që kanë zbuluar.

Babai i tre fëmijëve ka lindur vetëm me një testikul ndërsa në spitalin e Kosovës ai ka treguar se prej 10 vitesh ka pasur ënjtje dhe shqetësime. Ky fenomen i rrallë ka tërhequr edhe vëmendjen e britanikes Daily Mail, pasi vetëm 200 raste raportohen nga ky fenomen.

Sipas mjekëve, personi në fjalë është diagnostikuar me sindromën e kanalit Mullerian Persistent (PMDS), një gjë e rrallë që ndodh kur burrat kanë organe riprodhuese femërore pranë organit të tyre gjenital.