Kryeministri Edi Rama ka komentuar deklaratën e ish-kryebashkiakut të zgjedhur të Shkodrës Valdrin Pjetri.
Ky i fundit kërkoi një shans të dytë për rikandidimin.
Rama tha se Partia Socialiste nuk ia jep asnjë personi shansin e dytë.
“Shanset e dyta jepen në marrëdhënie individuale, shanset e dyta mund t’i japim kur jemi miq që për një arsye apo tjetër miqësia lëndohet por shanset e dyta i jep pastaj Zoti ndërsa PS nuk i jep shans të dytë askujt që e ka vënë në pozitë të vështirë duke gënjyer, s’ka shanse të dyta për askënd që bën deklarata lidhur me jetën e veprimtarinë politike e të gjitha ato aspekte që kanë të bëjnë me ligjin e pastërtisë së figurës nuk e meriton”, tha Rama.
