(Emrat) Shpërthen lënda plasëse në një makinë në lëvizje tek Unaza e Re, plagoset shoferi dhe pasagjeri

Një shpërthim me lëndë plasëse ka ndodhur sot në orët e para të mëngjesit në Tiranë.
Mësohet se një sasi lënde plasëse ka shpërthyer në një mjet në lëvizje, në zonën e Unazës së Re, në afërsi të rrethit të Selitës.

Për pasojë, nga shpërthimi kanë mbetur të plagosur shoferi i mjetit dhe pasagjeri, që janë dërguar në spital për ndihmë mjekësore. Të plagosur kanë mbetur 42-vjeçari Mikel Harizaj dhe 26-vjeçari Serini Dumi.

Tiranë/Informacion paraprak

Më datë 07.01.2022, rreth orës 02:50 të mëngjesit, në Unazën e Re, në afërsi të rrethit të Selitës, në rrethana ende të paqarta ka shpërthyer dyshohet lëndë plasëse në mjetin në lëvizje, me drejtues shtetasin M. H., 42 vjeç dhe pasagjer shtetasin S. D., 26 vjeç.

Si pasojë e shpërthimit janë dëmtuar drejtuesi i mjetit dhe pasagjeri, të cilët ndodhen në spital për ndihmë mjekësore.

Grupi hetimor nën drejtimin e Prokurorisë po punon për sqarimin e rrethanave të ngjarjes.