Elbasan/ Makina përplas keq 19-vjeçaren, dërgohet me urgjencë në spital 

Një aksident i rëndë është shënuar para pak minutash  në lagjen “Luigj Gurakuqi” në Elbasan. Burime të policisë bëjnë me dije, se 28-vjeçari me iniciale A. Xh., ka përplasur me automjetin e tij tip “Toyota” këmbësoren 19-vjeçare me iniciale M. XH.

E plagosura u dërgua menjëherë në spital, teksa ndodhet jashtë rrezikut për jetën. Grupi hetimor po punon për zbardhjen e plotë të rrethanave të aksidentit.

Njoftimi i policisë:

Elbasan/Informacion paraprak

Më datë 09.01.2022, rreth orës 17:45, në lagjen “Luigj Gurakuqi” Elbasan, shtetasi A. Xh., 28 vjeç, banues në Elbasan, duke drejtuar automjetin tip “Toyota” ka aksidentuar këmbësoren shtetasen M. Xh., 19 vjeçe banuese në Elbasan, e cila ndodhet nën kujdesin e mjekëve, jashtë rrezikut për jetën.

Grupi hetimor po punon për zbardhjen e plotë të rrethanave të aksidentit.