E rëndë! Po festohej dita e Epifanisë, avokaten e përpin uji i ftohtë, zhduket papritur (VIDEO)

Një avokate, nënë e dy fëmijëve që u hodh në vrimën e e akullit të një lumi të ngrirë për festën e Epifanisë ortodokse, është tërhequr nga rryma poshtë akujve para fëmijëve dhe dëshmitarëve të tmerruar.

Një video tregon gruan 40-vjeçare që hidhet në lumin e ngrirë Oredezh pranë Shën Petersburg, në Rusi. Sipas raportimeve ajo nuk është gjetur akoma teksa supozohet të ketë vdekur.

Avokatja nga Shën Petersburg u tërhoq poshtë akujve nga rrymat e fuqishme që rezultoi se arrinin në shpejtësi 4 metra në sekondë.

Një nga ndihmësit thërret për ndihmë ndërsa një burrë që besohet se ishte bashkëshorti i saj 50-vjeçar shihet që hidhet dhe ai në vrimë por nuk arrin ta gjejë gruan.

Avokatja kërkonte të shënonte me zhytjen e saj Ditën e Epifanisë se Krishtit që ndiqet rregullisht nga mijëra besimtarë rusë.