“Do ketë surpriza në disa bashki” Ish-deputeti del me paralajmërimin e fortë për zgjedhjet e 6 marsit

Kryetari i Partisë Agrare Ambientaliste Agron Duka ka komentuar zgjedhjet e pjesshme lokale të 6 marsit.

Në një lidhje direkte me programin “Breaking”, ai bëri një analizë të situatës politike në vend dhe parashikimet e tij për këtë proces të rëndësishëm elektoral, duke thënë se në disa bashki pritet të ketë surpriza.

“Garë do të ketë patjetër. Mazhorancës i leverdis të ketë një proces të rregullt. PD e Bashës, por dhe grupi i Rithemelimit pretendon se është PD e vërtetë. Kështu që dy palët do tentojnë të marrin sa më shumë vota në krahasim me njëra-tjetrën.

Duke qenë se janë zgjedhje vendore, kandidati tërheq diçka më shumë se sa në zgjedhjet parlamentare, prandaj mund të kemi një surprizë në ndonjë bashki.

Në Shkodër për shembull mendoj se prapë pretendente do jetë e djathta.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Durrësi ka një kandidate me profil jo të lartë politik. Nëse do ishte opozita e bashkuar, do të fitonte opozita.  Mund të ketë surpriza në disa bashki,” tha Duka.