Del FOTO/ Do bëhej baba së shpejti, ky është 35-vjeçari që u ekzekutua dje në Tiranë

Personi që shikoni në foto është 35-vjeçari Erion Çela.

Ai mbeti i vrarë nga atentati që ndodhi mbrëmë në një lokal në zonën e “Don Boskos” në Tiranë.

I riu ishte në tavolinë së bashku me gruan shtatzënë, e cila ishte larguar vetëm pak minuta përpara se të zbraznin kallashin atentatorët.

Pasditen e djeshme policia ka marrë në pyetje dy nga katër të plagosurit që ndodhen në Spitalin e Traumës. Burime bëjnë me dije se dëshmia e Arben Danit dhe 19 vjeçarit Azbi Selimaj nuk i ka ndihmuar hetuesit për të identifikuar autorët.

Ata kanë thënë se nuk kanë mundur të shohin asgjë vetëm kur janë hasur me breshërinë e plumbave. Arben Dani është mik i viktimës dhe personave të tjerë që ndodheshin në tavolinë me të dhe kishte ardhur nga Durrësi për t’i takuar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern