Dëborë e acar! Izolohen qindra banorë në Kukës (Video)

Ulja e temperaturave si dhe prezenca e reshjeve të dëborës ka shkaktuar izolimin e qindra banorëve në Kukës.

Bëhet fjalë për njësinë administrative Arrën së bashku me fshatrat e saj, të bllokuar janë po ashtu edhe fshatrat e njësive të tjera administrative si: Buzmadhe, Shkinak, Tërshen, Xhaferaj, Turaj, Borje, Pakisht, Cërnalev, Zapod, Nimçë, Lojme, Gdheshtë, Cahan, Kishaj etj.

Banorët pohojnë se prej ditës së premte janë të bllokuar, teksa trashësia e borës i kalon 60 cm në këto zona.

Sakaq, shumë fshatra po vuajnë edhe mungesën e energjisë elektrike në këto temperatura ekstreme siç janë ato të Nimçës, Oreshkë, Cërnalev, Buzmadhe etj. Mjetet borpastruese janë përqendruar në hapjen e rrugëve nacionale si dhe qendrat administrative, duke lënë fshatrat të bllokuar në mungesë të kapaciteteve.