Ju desh një betejë jashtëzakonisht e gjatë, por ai ja doli të fitonte. Andrew Watts është pacienti i vetëm në historinë e pandemisë që ka qëndruar më gjatë i shtruar në spital. 40-vjeçari u infektua në fund të dhjetorit të 2020 dhe doli nga spitali në 21 nëntor 2021. Ai luftoi për mbi 300 ditë me virusin, pa hequr dorë asnjë ditë.
Për pesë javë ai qëndroi në koma dhe dy herë gjendja e tij u përkeqësua deri në rrezik për jetën. E gjithë mushkëria e majtë dhe një e treta e mushkërisë së djathtë ishin dëmtuar nga virusi. Edhe pse pas 8 muajsh rezultoi negative, Andrew duhej të kalonte një periudhë të gjatë rehabilitimi për të filluar të merrte frymë në mënyrë të rregullt.
Ai sot gëzon shëndet të plotë pranë gruas dhe dy fëmijëve si dhe është vaksinuar. Andrew Watts u bëri thirrje të gjithë bashkatdhetarëve të tij që të vaksinohen. Eksperienca e tij e gjatë padyshim që duhet të shërbejë si një mesazh që përballë jetës duhet të jemi vigjilentë për të bërë zgjedhjen e duhur.
