A po plaket Partia Socialiste? Rama: Të gjithë jemi duke u plakur

Kryeministri Edi Rama në një deklaratë për mediat pas mbledhjes së Kryesisë së PS, ka folur për mediat. Ai foli për dy aktivitete që priten në vijim, në funksion të një rioganizimi tërësor të të gjithë rrjetit rinor të partisë Socialiste por edhe përtej PS.

“Kemi diskutuar për dy aktivitete të rëndësishme. Një aktivitet në 15 janar i rinisë socialiste dhe progresiste, në funksion të një rioganizimi tërësor të të gjithë rrjetit rinor të partisë Socialiste por edhe përtej PS. Në kuptimin që duhet të jetë një vullnetarizëm qytetarie progresizmi në funksion të qytetarisë dhe komunitetit ku ne dëshirojmë të ndërveprojmë me të rinjtë.

E dyta është ngjarja e kongresit të PS që do të adresojë sfidat e përbashkëta të partisë dhe qeverisë si shprehje e kësaj partie.

A ndjeni se PS është duke u plakur?
Rama: Aaa? të gjithë jemi duke u plakur por në fund të ditës nuk ka rëndësi sesa shkruhet në letër por sesa ta ndjesh”, tha ai.