Zjarr në një banesë në Kolonjë, ndërron jetë invalidi

Një ngjarje e rëndë ka ndodhur këtë shtunë në Kolonjë. Një zjarr ka përfshirë një banesë, duke i marrë jetën një personi. Mësohet se viktimë ka mbetur shtetasi Shyqyri Selimi.

Sipas mediave, shkak i zjarrit në banesën në fshatin Sanjollas dyshohet se ka qenë bombola e gazit. Në momentin e rënies së zjarrit, në banesë ka qenë e gjithë familja, mirëpo pesë anëtarë janë shpëtuar, teksa njëri prej tyre nuk është nxjerrë dot.

Ndërkohë, raportohet se viktima ishte invalid dhe është asfiksuar nga tymi e flaka. Në vendin e ngjarjes kanë mbërritur dy zjarrfikës, të cilët po bëjnë të mundur shuarjen e flakëve.