LIGJET E BIZNESIT
Zgjimi në mëngjes me shumë dhimbje koke, është mënyra më e keqe për të nisur ditën.
Por çfarë e shkakton dhimbjen e kokës në mëngjes?
Në këtë artikull do të mësoni për shkaktarët më befasues të dhimbjes së kokës në mëngjes.
Gjumë i Pamjaftueshëm
Trupi ka nevojë për 7-8 orë gjumë që të funksionojë siç duhet. Në qoftë se flini më pak, atëherë ka diçka që nuk shkon dhe organizmin e kap paniku.
Sipas ekspertëve të sëmundjeve neurologjike hormonet arrijnë kulmin, bashkë me rrahjet e zemrës, tensionin e gjakut si dhe stresin.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Një zgjidhje e shpejtë për këtë problem janë medikamentet kundra dhimbjeve që funksionojnë menjëherë.
Në qoftë se mundeni përpiquni të dremisni për 20-30 minuta që t’i jepni mundësi trupit të funksionojë më mirë.
Gjumë i Tepruar
Nëse flini më shumë se 9 orë, bie niveli i serotoninës, një hormon i çliruar nga truri.
Sa më të ulëta të jenë nivelet e serotoninës, aq më pak gjak qarkullon në tru, gjë kjo që nxit dhimbjen e kokës.
Luhatjet Hormonale
Në mëngjes, nivelet e endorfinës, hormonit të humorit të mirë janë tepër të ulëta. Kjo mund të shkaktojë migrenë tek disa njerëz.
Mungesa e hormoneve vështirëson qarkullimin e gjakut në tru e për pasojë rrjedhimisht koka dhemb.
Aktiviteti fizik në mëngjes nxit prodhimin e hormoneve e mund të pushojë dhimbjen e kokës.
Pasojat e Alkolit
Nëse një natë më parë e keni tepruar me alkolin, përgatituni për dhimbje koke mëngjesin e të nesërmes. Alkooli shkakton dehidratim dhe pakësim të qarkullimit të gjakut në tru.
Mënyra më e mirë është që të hidratoheni me ujë apo pije të pasura me elektrolite.
Gërrhitja
Gërrhitja, mungesa e ajrit, marrja e frymës pakësojnë ndjeshëm sasinë e oksigjenit në tru dhe prishin cilësinë e gjumit. Mungesa e oksigjenit zgjeron enët e gjakut si dhe qarkullimin e tij në tru.
