Xhelal Mziu e ka një ide: Vetëm ky person mund ta rrëzojë Edi Ramën nga pushteti

Ish-kryebashkiaku i Kamzës Xhelal Mziu, sot drejtues politik i PD në qarkun e Dibrës, është shprehur gjatë takimit me liderin e demokratëve Lulzim Basha se vetëm platforma e tij mund të rrëzojë qeverinë socialiste të Edi Ramës.

“Platforma Basha në 25 prill prishi mendjen jo vetëm të demokratëve e atyre pa parti por edhe të socialistëve, e kishim shumë të lehtë fushatën. Nuk e morëm rezultatin që meritonim as në Dibër as Bulqizë as Mat as Shqipëri se maskarada elektorale që përdori Rama ishte më e keqja e këtyre 30 viteve nuk la instrument ligjor apo antiligjor, s’la para droge krimi apo korrupsioni pa përdorur.

Sot ne jemi në opozitë për një arsye për një shkak të një kryeministri kriminel i cili e ka kthyer Shqipërinë në një geto. Koha e etij duhet të kishte marrë fund e do marrë fund. Këtë e realizon vetëm një vetë, platforma Basha që ngeli pa u realizuar për shkak të maskaradës elektorale”, u shpreh Mziu.

Duke folur për zhvillimet brenda PD-së, Mziu tha se “Rama nuk u mjaftua vetëm me maskaradën e 25 prillit por na ka servirur dhe një çorbë që një pjesë e mirë e demokratëve sot s’janë në këtë sallë. Ne kemi vetëm një armik, nuk e kemi vetëm ne edhe ata që s’janë në këtë sallë, duhet ta shpëtojmë demokratin socialistët e këtë mund ta bëjë vetëm platforma Basha. Basha i ka dhënë provat e tij, edhe në pushtet kur ishte me standarde që ka krijuar Shqipëria, por edhe në opozitë me nisma ligjore që ia kanë ngushtuar fijen kësaj qeverie kriminale, i sigurt që 2022 do jetë jo si ky vit që i dha frymë të keqes. I sigurt që Basha me demokratët do triumfojë por është e ardhmja e Shqipërisë”, përfundoi ai.