VIDEO/ Dy javë pas operacionit në tru, deputetja Adriana Matoshi rikthehet në Kuvend, ja si e pritën kolegët

Pas operacionit të vështirë për heqjen e tumorit në tru, deputetja e Lëvizjes “Vetëvendosje”, Adriana Matoshi është rikthyer në Kuvendin e Kosovës.

Ajo u shfaq në seancën e sotme ku po diskutohej shqyrtimi i projektligjit mbi ndarjet buxhetore për Buxhetin e vitit 2022.

Sipas mediave vendase, Adriana Matoshi u prit me duartrokitje nga kolegët e saj, ndërsa kreu i Kuvendit, Glauk Konjufca, e ndërpreu diskutimin dhe i uroi mirëseardhje.

Ligjvënësja kosovare iu nënshtrua një operacioni për heqjen e tumorit në tru dy javë më parë, i cili iu shfaq për herë të dytë 9 vite pasi mundi sëmundjen e rëndë.

Operacioni rezultoi i suksesshëm dhe tashmë Adriana Matoshi iu rikthye jetës normale.