Komiteti Teknik i Ekspertëve do të mblidhet këtë të enjte në orën 14:00, për situatën epidemiologjike në vend.
Mësohet se Komiteti Teknik ka vendosur që doza e tretë përforcuese të bëhet për çdo qytetar të grupmoshës +18 vjeç, 6 muaj pasi kanë bërë dozën e dytë.
“Përhapja e variantit të ri Omicron, duhet të na gjejë akoma më të mbrojtur, ndaj është thelbësore, vijimi i vaksinimit me dozë të parë për çdo qytetar nga mosha + 16 vjeç, si dhe për fëmijët +12 vjeç me sëmundje që cënojnë imunitetin”, bëjnë të ditur ekspertët.
