Tjetër lëvizje e papritur/ Komisioni i Rithemelimit të PD shkon në gjykatë, ja padia që depoziton

Komisioni për Rithemelimin e PD ka depozituar në gjykatë ndryshimet e bëra në statut në Kuvendin e 11 dhjetorit.

Padia është dorëzuar nga anëtarët Ivi Kaso dhe Arben Ristani.

Kujtojmë se më herët Oerd Bylykbashi, deklaroi se gjykata do të regjistrojë ndryshimet e 11 dhjetorit, pasi janë të gjitha dokumentet dhe provat për pranimin e tyre.

“Pse Basha nuk i ka regjistruar ndryshimet në korrik? Shikoni çfarë respekti ka Basha. Me ndryshimet e datës 11 dhjetor ne shfuqizojmë atë statut, nuk themi që nuk ekziston, aq më mirë që e kanë regjistruar. Do ishte absurditet ta çonte pasi e kishim çuar ne. Ne nuk bëjmë padi për statutin e korrikut. Gjykata vetëm e regjistron”.

Gjyqtari duhet të gjejë kushte ligjore apo statutore që nuk e pranon, por Kuvendi është thirrur nga 1/4 e delegatëve. Kemi verifikuar faktin që është thirrur nga ata dhe dokumentacioni është disponibël për gjykatën. Të gjitha provat i kemi dhe është e kundërta e kuorumit që ka bërë Basha me 17 korrik, në sallën e Pallatit të Kongreseve. Ne kemi vendosur një precedent historik jo vetëm për PD”, tha ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern