LIGJET E BIZNESIT
Është një nga brandet ndërkombëtarë të pijeve, me të cilin janë rritur breza të tërë në botë. E dëshiruar shumë në Shqipëri, që në periudhën e sistemit komunist kur shishet me paketimin e kuq do të ruheshin si suvenire. Është Coca-Cola, pija e preferuar e të gjitha moshave, pjesë e pandarë e tryezave jo vetëm në gëzime dhe festa, por edhe në të përditshmen tonë.
Por ndikimi në Shqipërinë dhe në ekonominë tonë është shumë më i madh. Një studim i universitetit prestigjoz SDA Bocconi School of Managment, evidentoi se kjo kompani ka krijuar në mënyrë të drejtëpërdrejtë dhe të tërthortë 2800 vende pune, ndikon 0.19% në Prodhimin e Brendshëm Bruto, është kontribues i rëndësishëm në arkën e shtetit, ndërsa nëpërmjet investimeve që bën, zhvillon ekonomikisht komunitete të tëra dhe aplikon një teknologji në mbrojtje të mjedisit.
Në një intervistë për Fast News Albania, Luca Busi, presidenti i Coca-Cola Bottling Shqipëria të shpjegon në mënyrë energjike rëndësinë që ka për kompaninë të qënurit afër me njerëzit, kujdesi për punonjësit dhe bashkëpunëtorët, për punësimin e grave, që ndryshe njihet si “kuotat rozë” dhe për ambientin. Pasi e ardhmja është në Shqipëri dhe sot “Coca-Cola është më shqiptare nga ç’mendoni!”. Ky është edhe slogani i ri i brandit ndërkombëtar.
“Është një kalim që shpjegon rolin tonë. Si të arrijmë të transformojmë një kompani shumëkombëshe, një nga shumëkombëshet më të forta globale, siç është The Coca-Cola Company, në një kompani lokale, familjare në kilometër zero”, shpjegon Busi.
Në videon më poshtë, ju ftojmë të ndiqni intervistën e plotë me presidentin e Coca-Cola Bottling Shqipëria, Z. Luca Busi.
