Shënohet incidenti i parë në PD, Fugoni i bardhë futet në oborr, “xhiron” gomat, nga dritaret brohorasin “Rroftë Berisha”

Një incidet është provokuar nga mbështetësit e ish-kryeministrit Sali Berisha, në selinë qëndrore të Partisë Demokratike. Mësohet se ka qenë një furgon i bardhë pasagjerësh i cili është futur në oborrin e selisë dhe ka “xhiruar” gomat.

Fugoni i bardhë, dyshohet se është përdorur për transportin e delegatëve dhe anëtarëve të PD-së nga rrethet në Tiranë, për t’iu bashkuar Kuvendit Kombëtar që ka thirrur  Berisha.

Personat që kanë qenë brenda, kanë brohoritur me yë ë lartë “Rroftë Sali Berisha” dhe pas disa momentesh furgoni është larguar. Ky është incidenti i parë që ndodh në zyrat kryesore të PD-së, në rrugën e Elbasanit. Në gatishmëri është po ashtu dhe Policia e Shtetit, për të shmangur çdo përplasje të mundshme.