“Së shpejti pritet…” Gledis Nano flet për ngjarjet e pazbardhura në Shqipëri

Drejtori i Policisë së Shtetit Gledis Nano ka komentuar sot në Komisionin e Sigurisë krimet e pazbardhura në Shqipëri.

Sipas tij, për të zbuluar ngjarje të tilla duhet kohë, por siguroi se së shpejti do të ketë rezultate konkrete për hetime të kryera.

Duke iu përgjigjur deputetëve të pranishëm, Nano shtoi se numri i vrasjeve në Shqipëri është më i ulët se vendet si Bullgaria apo Rumania.

Po ashtu, Nano tha se grupet kriminale investojnë shumë edhe financiarisht për aktivitetin e tyre, por garantoi se Policia do ti përgjigjet me profesionalizëm, ndaj ka kaërkuar edhe rritje të buxhetit.

“Numri i vrasjeve në Shqipëri është më pak se vendet se bullgaria dhe Rumania, Numri i vrasjeve ka një trend ulës, nëse shikojmë grafikun nga 2005 deri në 2021.

Ulja e numrit të vrasjeve është barometri kryesore për situatën e krimit. Dua tju siguroj se angazhimi i policisë do jetë edhe më i madh.

Investimi për zbulimin e këtyre ngjarjeve të pazbardhura kërkon kohë, por të jeni të sigurt që angazhimi është maksimal dhe nuk pushon në asnjë moment.

Unë dua t’ju sqaroj se kemi hetime që do të jenë rezultative në një kohë të shpejtë në lidhje me ngjarjet e pazbuluara, por nuk mund të japë asnjë informacion për shkak se përbën sekret hetimor.

Grupet kriminale investojnë shumë në sofistikimin e mënyrës së kryerjes së aktivitetit kriminal, pasi kanë dhe mundësinë për ta bërë këtë punë qoftë edhe nga ana financiare. Ne këtë drejtim, policia ka kërkuar rritjen e buxhetit me qëllim që ti përgjigjet sa më profesionalisht me një forcë goditëse dhe efikase këtyre grupeve kriminale, duke cënuar rendin dhe sigurinë në vend”, u shpreh ndër të tjera Gledis Nano.