Rregulloi dhëmbët në Shqipëri, italiani ndërron jetë pas pak çastesh

Një 71-vjeçar me origjinë italiane ka ndërruar jetë ditën e sotme në vendin tonë pak minuta pasi kishte vendosur një implant dentar. Ishte Shoqata Kombëtare e Stomatologëve ajo e cila njoftoi për vdekjen e italianit Agostino Sellitri.

Mësohet se 71-vjeçari pas operacionit, pësoi sulm në zemër dhe nuk mundi që të mbijetonte. Sakaq, mësohet se Fabio De Pascalis paralajmëron italianët që të mos joshen nga shërbimet dentare me kosto të ulët jashtë vendit, pasi mund të ketë një rrezikshmëri më të lartë.