Pronaret u zunë për qentë,  gratë kafshojnë egërsisht njëra-tjetrën

Dy pronare qensh, njëra 27 vjeçe dhe tjetra 51-vjeç, u përfshinë në një përleshje, që kulmoi kur njëra nga gratë kafshoi  tjetrën, ndërkohë që qentë e tyre “thjesht i shikonin”,  deklaroi policia.

Ngjarja u regjistrua në landin e Tyringjisë, në lindje të Gjermanisë. Shkak i sherrit sipas policisë ishte sjellja e 51-vjeçares ndaj qenit të saj, e cila sipas 27-vjeçares nuk ishte aspak korrekte

Referuar njoftimeve, 27-vjeçarja kishte dalë për të shëtitur qenin e saj, kur pa 51-vjeçaren e cila po e godiste qenin e saj, i cili nuk po i bindej.

27-vjeçare filloi të ofendonte 51-vjeçaren dhe t’i kërkonte llogari për përdorimin e ndëshkimit ndaj qenit. Pas kësaj, gratë u përleshën keq me njëra-tjetrën.

Gjatë përleshjes, e moshuara u rrëzua dhe e kafshoi 27-vjeçaren në pulpë. Ajo i shkaktoi plagë në këmbë.