LIGJET E BIZNESIT
Paraditen e sotme një përplasje e dhunshme është shënuar pranë godinës së Gjykatës së Selanikut në Greqi.
Më pas konflikti u ndal vetëm më ndërhyrjen e policisë.
Pas ngjarjes, një video u publikua nga mediat greke.
Në të shfaqen disa persona që sulmonin njëri-tjetrin, teksa ishin ndarë në dy grupe të mëdha. Ata shihen teksa përdorin shkopinj, copa druri, madje edhe karriget e lokaleve që ishin aty pranë. Si pasojë e përleshjeve të dhunshme, në zonën përreth janë shkaktuar dëme të shumta materiale, ku janë thyer disa xhama biznesesh dhe janë dëmtuar disa automjete.
Ndërhyrja e policisë ka qenë e menjëhershme, ndërsa mësohet se janë shoqëruar 23 persona të përfshirë në këtë episode të dhunshme, tre prej të cilëve u arrestuan. Në vendin e ngjarjes është gjetur një karabinë dhe disa fishekë në një automjet të parkuar pranë Gjykatës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ndërkohë, mësohet se dy grupet u përplasën fizikisht mes tyre për një çështje që po gjykohej, ndërsa kjo nuk është hera e parë që ndodh një incident i tillë, i karakterizuar nga dhunë ekstreme. Si pasojë e përleshjes fizike, një person është lënduar rëndë në kokë dhe është dërguar në spital për marrjen e ndihmës së nevojshme mjekësore.
