Mjeku Pëllumb Pipero i pyetur për Omicron, në krahasimin me variantin Delta, tha se është më i transmetueshëm.
Ai shtoi se personat që e kanë kaluar virusin para 3-4 muajsh apo kanë bërë vaksinën para 3-4 muajsh e kanë të vështirë të infektohen.
Arsyeja është se vaksina ose imuniteti natyral e detektojnë shpejt virusin dhe nuk lënë të hynë në qelizë.
Pipero: Ne nuk mund të themi që brenda një grupi, njëri është më shumë pak më pak agresiv. Klinikisht Omicroni paraqitet më i lehtë. Se si do të vijojë do ia lëmë kohës. Studimet e deritanishme janë kontradiktore, praktikisht, studimet janë konfuzione mbi evidenca sesa studime të mirëfillta.
Një gjë është e sigurt, së pari, transmetueshmëria e Omicronit është shumë herë më e madhe se e Deltës. Ky virus i shmanget dukshëm mburojës imunitare edhe asaj natyrales dhe vaksinës. Për këtë arsye ka diskutim të shkencëtarëve sot në botë. Prandaj themi që një person që e ka kaluar virusin para 3-4 muajsh apo ka bërë vaksinën para 3-4 muajsh e ka më të vështirë të infektohet sepse e detektojnë shpejt virusin dhe nuk e lënë të hynë në qelizë. Këtë kemi bërë bisedë me mjekun para disa ditësh në oborrin e spitalit.
