Dhoma e ulët e Jordanisë u kthye në një arenë të vërtetë përleshjeje një ditë më parë.
Rrëmuja nisi kur seanca u hap me një diskutim lidhur me amendamentet e propozuara kushtetuese.
Në njërën prej tyre termi “gratë jordaneze” i bashkangjitej një kapitulli të Kushtetutës mbi të drejtat dhe detyrimet e jordanezëve.
Vetëm kaq mjaftoi që një grup deputetësh të përplaseshin me grushte, pas grindjeve verbale dhe shkëmbimit të fyerjeve.
Protagonistët ishin kryetari i Dhomës së Përfaqësuesve, Abdul Karim Dughmi dhe Zëvendës Suleiman Abu Jahya.
Dughmi u akuzua se nuk mund të drejtonte seancën. Pasi seanca doli jashtë kontrollit, Dughmi, deputeti më jetëgjatë i parlamentit, iu desh të shtynte seancën për 30 minuta.
Disa deputetë, kryesisht gratë, pretendojnë se amendamenti do të krijojë diskriminim të theksuar midis jordanezëve në bazë të gjinisë.
Duke mbrojtur amendamentet, kreu i komitetit ligjor të dhomës, deputeti i njohur Abdulmunim Oddat, u shpreh se termi “gratë jordaneze” nuk shton asnjë dispozitë të re në Kushtetutë.
Sipas Oddat, qëllimi i vetëm është krijimi i një “barazie gjuhësore”.
