Parashikimi i motit për ditën e sotme, e premte 10 dhjetor 2021

Dita e sotme do të ndikohet nga kushte të paqëndrueshme atmosferike.

Territori shqiptar do të mbizotërohet nga vranësira të shumta. Reshjet e shiut parashikohet të jenë me intensitet të ulët deri mesatar në një pjesë të madhe të vendit.

Reshjet e dëborës do të përfshijnë edhe lartesitë kodrinore, kryesisht në zonat veriore të vendit.

Era do te fryjë nga kuadrati i jugut me shpejtësi pothuajse mesatare. Përgjatë vijës bregdetare dhe përgjatë  zonave luginore era do të jetë më e fortë, kryesisht pasdite, ndërsa në mbrëmje do të jetë e vrullshme.

Temperaturat  në zona malore parashikohen  -1 deri 7°C, në zona e ulëta 3 deri 12°C dhe në zona bregdetare 5 deri 13°C.