Papa Françesku tregon dy mëkatet më të rënda të njeriut

Papa Françesku është shprehur së fundmi se seksi jashtëmartesor nuk është mëkati më i rëndë.

Deklaratën e bëri për gazetarët teksa udhëtonte nga Italia për në Greqi.

Kreu i Kishës Katolike tha: “Mëkatet e trupit, s’janë më të rëndat, por krenaria dhe urrejtja.”

Papa u pyet gjithashtu në lidhje me dorëheqjen e Kryepeshkopit të Parisit, Michel Aupetit, pasi një revistë franceze pretendoi se ai kishte pasur marrëdhënie intime me një grua.

Ndërkohë, kryepeshkopët dhe anëtarët më të lartë të Kishës Katolike ndjekin beqarinë klerikale, që do të thotë se nuk kryejnë marrëdhënie seksuale dhe nuk tundohen nga seksi.

“Ne të gjithë jemi mëkatarë. Kur thashethemet shtohen e shtohen dhe i dëmtojnë emrin e mirë dikujt, ai nuk mund të qeverisë”, tha Papa.