Kur vjen fjala te familja, “padyshim një shqetësim që më vjen në mend, të paktën këtu në Itali është dimri demografik.” Kështu ka deklaruar Papa Françesku gjatë lutjes në Sheshin e Shën Pjetrit të dielën.
“Mesa duket shumë çifte po preferojnë të rrinë pa fëmijë ose me një fëmijë. Kjo është tragjedi,” shtoi Ati i Shenjtë.
Sakaq, në një letër drejtuar çifteve në botë, Françesku thotë se pandemia e ka bërë bashkekzistencën më të vështirë teksa shtoi se për ta menaxhuar situatën duhet durim.”
“Ne po bëjmë gjithçka që është e mundur që të rifitojmë ndërgjegjen për ta kapërcyer këtë dimër demografik që shkon kundër atdheut dhe të ardhmes sonë”, nënvizoi Papa.
Koha që njerëzit shpenzojnë me njëri-tjetrin është shtuar së tepëri për shkak të kufizimeve të imponuara nga pandemia, mirëpo Papa shton se kjo është një mundësi unike për të kultivuar dialogun në familje.
“Nuk është e lehtë të jesh bashkë gjithë ditën kur në të njëjtën shtëpi duhet të punosh, të studiosh, dhe të pushosh. Mos e lini veten të kapërcehet nga lodhja, fuqia e dashurisë do t’ju mundësojë të shikoni të tjerët më shumë sesa lodhjen tuaj”.
