Njihuni me shqiptarin që do të luftojë kundër ushtrisë së Putin për të mbrojtur Ukrainën

Një shqiptar, vetëm 24 vjeç është në mesin e vullnetarëve që i është bashkuar Legjionit Kombëtar të Gjeorgjisë, që luftojnë për të mbrojtur Ukrainën nga Rusia.

Emanuel Bazanhi thotë për revistën ‘Coffee or Die’ se zgjodhi të luftojë për Ukrainën sepse “ky është kufiri i fundit për demokracinë.

“Ajo që na bashkon është dashuria për lirinë, për demokracinë dhe për ndihmuar njerëzit. Ne nuk paguhemi këtu, nuk po kërkojmë asgjë nga qeveria e Ukrainës, ne  jemi këtu vetëm për të ndihmuar këta njerëz të kenë një të ardhme më të mirë. Kjo është ajo që na bashkon, të shohim njerëzit të jetojnë të lirë dhe të lumtur.

Legjioni Kombëtar i Gjeorgjisë, njësi tërësisht vullnetare e pozicionuar në periferi të Kievit, është bërë qendër rekrutimi për të huajt që nënshkruajnë kontratë shërbimi tre-vjeçare në detyrë aktive me forcat e armatosura të rregullta të Ukrainës.

Që nga fillimi i luftës në 2014, Legjioni Kombëtar i Gjeorgjisë ka regjistruar ushtarë nga 27 vende, duke përfshirë SHBA, Australi, Gjermani, Gjeorgji, Meksikë, Azerbajxhan, MB, Austri, Francë, Greqi, Japoni, Kroaci dhe Serbi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ndërkohë tensionet mes Rusisë dhe Ukrainës janë shtuar, pavarësisht paralajmërimeve nga Perëndimi për Moskën. Presidenti i SHBA, Joe Biden paralajmëroi Vladimir Putinin në fillim të këtij muaji se Rusia do të përballet me “pasoja të rënda” nëse sulmon Ukrainën.

Rusia ka mohuar se ka një qëllim të tillë dhe ka akuzuar Ukrainën për hartimin e planeve në përpjekje për të rimarrë kontrollin e territoreve që mbahen me force nga rebelët e mbështetur nga Moska. Ukraina i ka hedhur poshtë këto pretendime.

Rusia aneksoi gadishullin e Krimesë, një territor i Ukrainës në vitin 2014. Gjatë më shumë se shtatë viteve luftime janë vrarë mbi 14,000 njerëz dhe është shkatërruar zemra industriale e Ukrainës, njohur si Donbasi./Shqiptarja.com/