Një truk që mund të veprojë në çast: Një pamje që do të joshë një person që ju pëlqen duket kështu

Rezultatet e studimeve të shumta tregojnë se sytë, përkatësisht shikimi, janë gjëja e parë që meshkujt vënë re te një femër

“Psychology Today” ka shkruar se pse pamja rrit shkallën e tërheqjes, transmeton Telegrafi.

“Sekretimi i oksitocinës thellon kontaktin me sy, dhe në këtë mënyrë rrit atraktivitetin. Oksitocina ndikon në zgjerimin e bebëzës, duke treguar interes; sa më të gjera të jenë bebëzat, aq më e madhe është tërheqja”.

Përdoruesja e rrjetit social TikTok, Sophie Rose, zbuloi se ajo ka një truk për pamjen që mund të veprojë në çast ndaj atij që ju intereson.

Megjithatë, ajo tregon se duhet ta provoni me dikë që ju pëlqen shumë, por ju mendoni se i jeni edhe simpatik atij personi, sepse mund të mos ndikojë te dikush kur e shihni për herë të parë.

Përveç kësaj, është e rëndësishme që të flisni kokë më kokë me të, sepse nëse jeni në një grup njerëzish, ata mund të mos vihen re.

Si duket kjo pamje:

– shikoni simpatinë në syrin e majtë
– shikoni poshtë buzëve/mjekrës
– shikoni lart në syrin e djathtë.

Kjo zgjat për disa sekonda dhe, në fakt, sipas saj, nuk është një truk klasik, por një shfaqje simpatie.