“Nga 2 janari hyrja vetëm me…” Masat e reja nga pandemia, MEPJ jep informacion për këtë shtet

Dalin masat e reja anti- C OVID19 për hyrjen në Mal të Zi.

Ministria për Evropën dhe Punët e Jashtme ka njoftuar se duke filluar nga data  02 janar 2022, lejohet të kalohet kufiri drejt këtij shteti me certifikatë vaksinimi të plotë me numrin e duhur të dozave, dhe nga doza e dytë të mos ketë kaluar më shumë se 6 muaj.

Gjithashtu kërkohet vërtetim se personi ka kaluar kovidin (që ka kaluar jo më pak se 10 ditë dhe jo më shumë se 180 ditë nga testi pozitiv PCR ose i shpejtë antigen).

Në të dyja rastet personi duhet të ketë patjetër ose testin negativ PCR jo më të vjetër se 72 orë, ose testin e shpejtë Antigen jo më të vjetër se 48 orë.

Kjo do të thotë që nuk është më e mundur hyrja në Mal të Zi vetëm me test negativ.