LIGJET E BIZNESIT
Pas skandalit ku u publikuan rrogat e shqiptarëve, kryeministri Edi Rama ka dalë në konferencë.
Ai u ka kërkuar falje të gjithë qytetarëve, duke thënë se kjo është një tentativë për të krijuar konfuzion dhe destabilitet.
“Ndjese te gjitheve. E kemi rritur ndërveprimin me qytetarët por sot duke patur parasysh ngjarjen e daljes së rrogave në kanalet e komunikimit, e kam shumë të qartë që nisma do të humbte në vemendjen tuaj dhe opinion publik do të dijë qëndrimin timdhe të qeverisë mbi cështjen.
Sot ju kemi ftuar për të folur për ngjarjen e qarkullimit të të dhënave me pagat, njerëzit janë shqetësuar me të drejtë për ndërhyrjen në këtë aspekt të jetës së tyre private dhe është një ngjarje e cila meriton të hetohet imtësisht, uroj dhe shpresoj që organet ligjzbatuese ta kryejnë hetimin me gjithë kapacitetet dhe nga ana tjetër dua të ndaj me publikun se në këndvështrimin tim nuk është e vështire të shohësh se këtu ka një qëllim jo fort të vështirë për tu kuptuar, është për të krijuar konfuzion dhe destabilitet.
Duke marrë parasysh dhe foltoret në Kuvend kjo përpjekje sdo jetë e fundit. Thirrja ime për prokurorinë është të hetohen të gjithë inspektorët e tatimeve, ata që aktualisht punojnë apo të tjerë që janë larguar nga ky sistem në periudhën nga nxjerrja e të dhënave deri sot. Por hetimi deri te ata qe dalin e flasin nëpër foltore”, tha kreu i qeverisë gjatë fjalës së tij.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
