Ndalimi i grumbullimit të mbi 50 personave/ A do i ndalojë policia kuvendet e PD-së?

Marrë shkas nga një vendim i tillë, gazetarët kanë pyetur sot ministrin Bledi Çuçi, nëse policia do marrë masa për mbajtjen e dy Kuvendeve të PD-së, ku pritet të mblidhen me mijëra persona.

Pyetje: A do ta ndalojë dot Policia e Shtetit mbajtjen e dy kuvendeve të PD duke qenë se ka në fuqi një akt normativ që ndalon grumbullimin e më shumë se 50 personave?

Ministri Bledi Çuçi: S’mund të ndalohen kuvendet. Kuvendet në dijeninë time do bëhen duke respektuar masat që janë në fuqi kështu që besoj se është pyetje pa vend. Ka që në 1990 që nuk ndalohen më kuvendet e partive politike.