Nata e ndërrimit të viteve në kryeqytet, çfarë pritet të ndodhë në Tiranë

Të gjithë mezi presim të shohim atmosferën që do të krijohet në natën  e ndërrimit të viteve. Një nga qytetet  I cili gumëzhin nga gëzimi është padyshim edhe Tirana. Për të folur më shumë rreth kësaj nate të shënuar në emisionin e pasdites “Ditë pas dite” me Fjodora Fjorën në RTSH 1, kryetari i Bashkisë së Tiranës, Erion Veliaj zbuloi disa detaje se çfarë pritet të ndodhë.

“Ne kemi prenotuar fishekzjarret, kemi prenotuar artistët më të mirë në vend për ndërrimin e viteve në Tiranë. Ndërkohë kemi dhe fishekzjarret, thjesht duhet të rakordohemi me qeverinë dhe Ministrinë e Shëndetësisë që ajo natë të lejohet.

Por ne gjithsesi do të kemi një festë në Tiranë në fundin e vitit, sigurisht për të pritur Tiranën që është Kryeqyteti Europian i Rinisë për 2022-shin. Dhe ndërkohë nga data 1 janar ne do të fillojmë nga aktivitetet, pra ne do të kemi një vit me rreth 1 mijë aktivitete.”, tha  kryebashkiaku Veliaj.