Me 72 vota pro/ Denar Biba zgjidhet kryetar i Autoritetit të Konkurrencës

Denar Biba emërohet kreu i Autoritetit të Konkurencës.

Vendimi është marrë nga Kuvendi, me 72 vota pro, 37 kundër dhe 0 abstenime.

Të paktën 2 vota munguan nga Partia Socialiste, ku njëra prej tyre ishte paralajmëruar nga  Erion Braçe.

Gjatë kësaj seance opozita ka bashkuar votat me maxhorancën për disa marrëveshje ndërkombëtare. Një prej tyre ishte marrëveshja me EFTA-n miratohet me 108 vota pro, 0 kundër dhe 0 abstenime.

Ish-kreu i Komisionit Qendror të Zgjedhjeve Denar Biba ka zëvendesuar Juliana Latifin. Kryetari i Autoritetit të Konkurrencës zgjidhet çdo 5 vjet nga parlamenti. Denar Biba është propozuar nga 28 deputetë të Kuvendit për këtë post.