“Kur votova për Bashën isha mik” Kolaveri i përgjigjet Endri Hasës: Tani më shpall armik

Delegati i Partisë Demokratike në Kamëz, Përparim Kolaveri, i është përgjigjur akuzave të Endri Hasës, i cili u shpreh sot se ai kishte punuar për Tom Doshin në Fusatë.

Në një reagim për mediat, Kolaveri deklaroi se ka qenë delegat i PD dhe në Kuvendin e 21 korrikut të këtij viti, ndërsa si dëshmi për këtë publikoi dhe mesazhin e dërguar nga forca më e madhe opozitare në vend.

Kolaveri shton se kur votonte për Lulzim Bashën ishte mik i tij, ndërsa tani që firmosi për Sali Berishën bëhet armik. Delegati i Kamzës shprehet se do të marrë pjesë në Kuvendin e 11 dhjetorit.

“Nuk janë të vërteta. Unë jam kryetar i grupseksionit 15/93 në Kamëz. Jam anëtar i PD që nga mosha 18 vjeç. Kur kam qenë unë në PD, Endri Hasa nuk dinte ku bie PD-ja. Unë jam qenë delegat edhe i datës 17 korrik 2021. Kam tre mesazhe enga tre numra të ndryshëm dhe jam i gatshëm t’i vendos në dispozicion. Kur Basha më kishte në krah të tij, më kishte mik, kurse sot më shpall armik. Unë kam firmosur për Kuvendin e datës 11 dhjetor 2021. Mua nga PD nuk më përjashton dot as Basha, as Berisha e askush. Pasi unë kam aderuar në atë parti prej 25 vitesh. Kam dhënë shpirtin fushatë pas fushate”, u shpreh Kolaveri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern