Një ngjarje e rëndë ka ndodhur së fundmi në Durrës, ku një 27-vjeçare është përdhunuar nga xhaxhai i saj 50 vjeç.
Burime bëjnë me dije se vajza ka deklaruar se xhaxhai ushtronte dhunë psikologjike prej kohësh dhe kërkonte që lidhja e tyre të vazhdonte, duke e kërcënuar se do ti tregonte familjarëve të saj.
“Disa kohë më parë kemi pasur një raport bashkë. Vazhdoi për disa kohë me pëlqimin e të dyve. Më pas unë reflektova dhe kërkova ta ndërprisnim lidhjen. Por ai u bë keq dhe më kërcënonte se do t’i tregonte familjes sime për lidhjen tonë. Më bënte presion psikologjik.
U gjenda në një situatë të vështirë. Sa në disa raste mendova edhe më të keqen për veten. I lutesha të më linte të qetë pasi nuk doja ta vazhdoja më, por ai nuk ndalej. Derisa vendosa ta denoncoj. Dua që ta arrestoni pasi jam shumë e frikësuar”, ka deklaruar 27-vjeçarja.
Pasi ka dëgjuar se mbesa e kishte denoncuar në Polici, 50- vjeçari u largua nga banesa dhe qëndroi disa ditë i fshehur. Mirëpo, ditën e fundit policia ra në gjurmët e tij dhe bëri të mundur arrestimit e tij.
Në polici mësohet se 50-vjeçari ka mohuar akuzat e bëra pasi sipas tij e gjitha kjo ka ndodhur me pëlqimin e të dyve.
