LIGJET E BIZNESIT
Ditën e djeshme ishte një vjetori i ndarjes nga jeta të biznesmenit Kasem Hysenbelliu, pronari i TV “Fax News”.
Ndërsa sot, e bija Ina, e kujtoi të atin me disa fjalë zemre dhe imazhe të së shkuarës që bashkohen në një videoklip që është një dëshmi e vërtetë dashurie.
Ajo kujton momentet e fundit me të dhe premtimin që ai i bëri para se të largohej nga kjo botë, ndërsa vë në dukje se Kasem Hysenbelli nuk ishte vetëm një njeri i mirë dhe një profesionist i zoti, por edhe një baba i mrekullueshëm.
“Një dolli për kujtimin e Kasos është bërë shprehje në tavolinë që ne ulemi, ndërkohë që unë ende po mundohem të përtyp që ti je tani një kujtim. U bë një vit pa ty babi, ndërrohen motet sikur kanë rëndësi, koha nuk është më lineare që kur ike ti. Të gjithë komplimentojnë se sa njerëzor dhe profesional ishe ti, por sot do të dinë edhe çfarë babai i mrekullueshëm ke qenë, çfarë bekimi ishe në shtëpi. Më thuaj si duket në parajsë, të ka ikur dhimbja dhe frika shpirt?! Sepse këtu në tokë duket sikur çdo gjë e bukur është zhdukur që kur ti ike, gjithçka është bosh. E di mo burr që të morën prej nesh sepse ti nuk do ikje kurrë. E kam ende mesazhin tënd në telefon, kam dy fëmijë për të rritur, nuk iki më the dhe në momentet e fundit më shtrëngove dorën, më pe në sy dhe më the ‘shpirt i babit ti’ ”, thotë Ina Hysenbelli në videoklip.
Në postimin e saj në “Instagram” Ina ndërmend mesazhin e vyer që i la babai, që kujtimet janë pasuria e vërtetë në këtë botë, nga e cila nuk do marrim tjetër gjë veç dashurisë që mbjellim dhe veprave të mira.
“Të tregosh emocionet në publik kërkon guxim, siç është ky rrëfim personal për humbjen e babait tim të mirë, Kasem Hysenbelliun. Me këmbënguljen e xhaxhait tim Irfanit, këtë video e ndaj me të gjithë ju që e keni njohur si një kujtim, dhe për të gjithë ju që se keni njohur të rikujtoheni që momentet me njerëzit e zemrës dhe kujtimet janë pasuria e vërtet në këtë jetë, dhe që nuk do të marrim hiç gjë nga kjo botë përveç dashurisë që mbjellim, dhe veprave të mira. Këtë mesazh të vyer me dha im atë si mësim të fundit. Të duam shumë, KASO!”, shkruan ajo.
View this post on Instagram
