Ishte sëmurë, kopshti fut në izolim 4-vjeçarin, e ëma: Pësoi hipotermi

Një grua britanike deklaroi se djali i saj vetëm 4-vjeçar pësoi hipotermi pasi shkolla e vendosi në izolim. Mamaja e përshkroi objektin ku ndodhej i biri si një “hangar”. Chloe Ëilby u shpreh se e dërgoi fëmijën në shkollë me një virozë të lehtë që i kishte shkaktuar pak rrufë e kollë.

Me ndjekjen e protokollit të Covid, shkolla e la djalin në një klasë veç derisa të vinte dikush për ta marrë pasi kishte shfaqur shenja të virusit. Chloe u njoftua për të marrë Mason, por iu desh pak kohë për të mbërritur si pasojë e transportit publik.

Kur arriti, Mason nuk mund të fliste, dridhej dhe duart i kishte flakë të kuqe sa iu desh t’ia ngrohte duke i futur poshtë bluzes së saj. Sytë i lotonin, hundët i rridhnin dhe shkolla dhe kishte lënë ta hante drekën jashtë, në të ftohtë. Sipas konstatimit të doktorit, djali kishte pësuar hipotermi.

Pas situatës së krijuar, drejtori i shkollës tha se klasa e jashtme nuk do të përdoret më. Në vend të saj do të përdoret një dhomë ngjitur me ndërtesën e shkollës dhe nxënësit do të shoqërohen nga një anëtar i stafit.