“I vendosa dorën në qafë” Skandali në Berat, reagon për herë të parë mësuesi që u akuzua për pedofili

Reagon për herë të parë mësuesi “pedofil” i Beratit, Engjëllush Bregu.

Ai u akuzua pas rikthimit në punë në shkollën “22 Tetori”, por në fakt jep mësim prej 4 vitesh.

Engjëlli ka folur për “Shqipëria Live” duke i quajtur akuzat si sulme personale.

Mësuesi u shpreh se ka katër vite që është rikthyer në mësimdhënine dhe se nuk ishte “22 Tetori” shkolla e tij e parë.

Deklarata e plotë e mësuesit Ëngjëllush Bregu:

Kisha vetëm katër ditë që jepja mësim te “22 Tetori”, më pritën mirë. Pas ra numri i nxënësve në shkollën ku jepja mësim më parë, u detyruan që dy mësues të dilnin pa punë. Në bazë të portalit nuk arrita që të mbyllja dokumentet për të drejtën e punës. Në 2017 kam hyrë në portal dhe kam pritur. Vendi i punës është hapur më 1 shkurt të 2018.

Kam dorëzuar dosjen me të gjitha dokumentet, dëshminë e penalitetit, vlerësimin e komitetit të prindërve të asaj shkolle, vlerësimin e psikologut. Katër ditë unë u ndjeva një çik ngushtë se nuk kisha lëndën time matematikë-fizikë.

Ka ardhur një gazetare në shkollë, mua s’më ka marrë në intervistë. Nuk më ka marrë njeri në telefon për të më thënë për pezullim nga puna. Në shkollë pritja ka qenë e mirë, përveç drejtoreshës, e cila mendoi se kisha falsifikuar dokumentet.

Kur kanë pyetur nxënësit për mua, një fëmijë nuk di si të veprojë, si është shikimi i çuditshëm. Kam bërë vetëm 1 orë mësimin me secilën klasë, nuk kisha si t’i shihja në mënyrë të çuditshme.

Kam përqafuar një nxënës, mësuesi ka për detyrë të ruaj nxënësit. Çuditem të më vendoset një epitet i tillë “pedofil”, është akuzë shumë e rëndë. Është një inskenim, fakte nuk ka. Një vit para se të ndodhte kjo jam ndarë nga gruaja, kam pasur probleme me të. I vetmi fakt është se i kam hedhur krahun. E vuajta atë dënim. Në ndërgjegjen time jam i pastër se nuk e kam bërë atë gjë.