Nga foltorja e Kuvendit deputeti i Partisë Demokratike Dashnor Sula u ka bërë thirrje ministrave që të heqin dorë nga luksi.
Ai u ka kërkuar që të zbresin nga makinat e shtrenjta dhe të shkonin në periferi të shikonin problemet reale të qytetarëve, në kohën që çmimet po rriten dhe karburanti po shkon 2 mijë lekë.
“Harruat përpara tetë vitesh kur ishit në opozitë çfarë gjendje ishit. Të njëjtën gjë ua kam thënë dhe ministrave të PD-së në vitin 2007, që brenda dy viteve harruan nga vinin.
Përpara vitit 2005 te “Bar Kalaja” hanin byrekë me dhallë, pas dy vitesh u majmën nga pasuria me “Benz”-a me makina, madje edhe me problemet e tyre familjare, filluan ti ndryshojnë nga mirëqenia e madhe, e njëjta gjë po u ndodh edhe ju.
Edhe hak ju pastë Zoti se në shqiptarët nuk kemi cfarë t’u bëjmë juve” tha Sula.
