Një 35-vjeçare me origjinë nga Shqipëria, ka shkëputur çdo kontakt me familjarët në Kretë. Të shqetësuar të afërmit kanë njoftuar menjëherë autoritetet greke për zhdukjen e Esmeralda Shirës. Nuk dihen ende arsyet e largimit të shqiptares, por në media po qarkullojnë të gjitha të dhënat e saj.
Njoftimi:
Të dashur bashkëatdhetarë, kërkohet ndihma dhe kontributi juaj. Një bashkëatdhetare jonë është zhdukur pa lënë gjurmë në Hania të Kretës. Për këtë zhdukje autoritetet greke japin alarmin. Esmeralda Sira, 35 vjeçe, është 1.75 m e gjatë, peshon 55 kg, ka flokë të zeza dhe sy kafe. Ajo kishte veshur një xhaketë të zezë dhe çizme të zeza.
Kushdo që ka ndonjë informacion, ju lutemi të kontaktojë me telefon me “Buzëqeshja e Fëmijës” 1160000 në 24 orë, si dhe në “Linjën Kombëtare për të rriturit e zhdukur – 1017”, në të gjitha Komisariatet e Policisë me numër telefoni 100, si dhe përmes aplikacionit Missing Alert është një informacion i drejtpërdrejtë për zhdukjen e saj, shkruan gazetari Shpëtim Zinxhiria.
