ARRSH: Ja akset ku duhet të tregoni kujdes, përdorni zinxhirë dhe goma dimërore

Autoriteti Rrugor Shqiptar ka informuar shoferët, por jo vetëm në lidhje me gjendjen e rrugëve pas reshjeve të dendura që kanë përfshirë vendin.

Në një postim në rrjetet sociale ARRSH njofton se reshjet e shiut që kanë përfshirë vendin nuk kanë sjellë bllokim të qarkullimit të automjeteve.

Ndërkohë në Llogara, në Boboshticë-Dardhë km 7-14, Dedaj-Razëm ka pasur reshje të dendura dëbore. Në këto akse drejtuesit e mjeteve nga policia këshillohen që të bëjnë kujdes dhe të jenë të pajisur me zinxhirë dhe goma dimorërore.

Në këto akse drejtuesit e mjeteve këshillohen të bëjnë kujdes, duke respektuar sinjalistikën dhe duke u pajisur me me zinxhirë dhe goma dimërore.

Njoftimi i plotë i ARRSH:
Reshje shiu dhe dëbore kanë përshkuar të gjithë vendin, por pa sjellë probleme për bllokimin e qarkullimit të mjeteve

Reshje dëbore ka pasur në Llogara, në Boboshticë-Dardhë km 7-14, Dedaj-Razëm km i fundit.

Kontraktorët kanë punuar gjatë natës me mjete borëpastruese për pastrimin e rrugës nga bora, shpërndarjen e kripës dhe nga materialet inerte në ato segmente ku kanë vijuar reshjet e shiut

Drejtuesit e mjeteve të bëjnë kujdes në lëvizje dhe të respektojnë sinjalistikën rrugore  të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore