“Vunë gjoba me maskën e shtetit” Ulsi Manja denoncon inspektorët e AKU dhe paralajmëron (VIDEO)

Ditën e sotme ministri i Drejtësisë Ulsi Manja ka dalë në një konferencë për shtyp.

Ai ka denoncuar publikisht inspektorët e AKU në Fier.

Manja deklaroi se ata kanë vënë gjoba me maskën e shtetit.

Ministri i Drejtësisë paralajmëroi gjithashtu se do të ketë zero tolerancë.

“Procesin e transparencës me publikun për anti-korrupsion. Do jetë një proces transparent që do të zgjasë deri në fund të mandatit të tretë me tolerancë zero ndaj kujtdo që do na dalë përpara. Rasti i sotëm lidhet me një qytetar që nuk ka pranuar të japë ryshfet. Për ata që dalin dhe thonë “nesër hajde andej vlla, kalo sille atë plaçkën”. Na takon ta provojmë që qytetarët nuk duhet të kenë frikë të denoncojmë. Mos heshtni. Fjalët e thëna dhe ankesat e bëra janë legjitime nga pikëpamja humane pasi ke paguar ryshfetin por nuk janë të denja. Nëse zgjatet zinxhiri i heshtjes,, zgjatet edhe litar.

Qytetari është vendosur në presion nga disa inspektorë të AKU në Fier. Ata e kanë gjobitur me vulën e shtetit. Ne menjëherë jemi vënë në lëvizje. Gjobëvënësit me maskën e shtetit që nuk përfaqësojnë shtetin do përballen me drejtësinë dhe nuk do ta kenë të lehtë. Do vendosim në kallëzim edhe drejtuesit e tyre si person në dijeni. Drejtuesit jo gjithmonë janë pjesë e gjobave por ata duhet ta dinë veprimtarinë e inspektorëve në terren. Mua nuk më rezulton në rastin konkret që të ketë praktikë të vendosjes së gjobave që u vjen njerëzve”, tha Manja.

“Ministria e Drejtësisë – Njësia Antikorrupsion nis procesin publik të denoncimeve në SPAK bazuar mbi prova të qarta abuzimi të zyrtarëve të administratës shtetërore.

APELOJMË qytetarët që përballen me tentativa rryshfetmarrjeje të inspektorëve e zyrtarëve të administratës TË MOS JAPIN RRYSHFET dhe TË MOS HESHTIN, por t’i drejtohen menjëherë Njësisë Antikorrupsion të Ministrisë së Drejtësisë, me garancinë e vënies së saj menjëherë në veprim dhe mbrojtjen e identitetit të tyre, në çdo rast që ata nuk duan të identifikohen publikisht
Ky mandat është SFIDA JONË E PËRBASHKËT për t’i përballur me DREJTËSINË E RE brejtësit e paskrupullt të administratës shtetërore dhe SË BASHKU NE MUND e DO TA FITOJMË KËTË SFIDË për dinjitetin tonë qytetar, familjar, kombëtar”, shkruan Edi Rama në rrjetin social.